ЖЭБ соту: Улуттук энергохолдингтин мурдагы башчысы Калиев: "Биз сурак берип, жооп тартып жаткан Бишкек ЖЭБи 2 жылдан бери кадимкидей эле иштеп жатат"

Бүгүн, 6-ноябрда Бишкектеги Свердлов райондук сотунда Бишкек ЖЭБди жаңылоодогу коррупция боюнча соттук отурум уланууда. Бул соттук иш боюнча Мурдагы өкмөт башчылар Жантөрө Сатыбалдиев, Сапар Исаков, мурдагы энергетика министри Осмонбек Артыкбаев, Улуттук энергохолдингтин мурдагы башчысы Айбек Калиев, энергохолдинкгин топ-менеджери болгон Салайдин Авазов, ЖЭБти модернизациялоо боюнча долбоордун директору Темирлан Бримкулов сурактан өтүүдө. Ал эми үй камагындагы мурдагы финансы министри Ольга Лаврова отурамга катышкан жок. Анын кызыкчылыгын жактоочусу көрсөтүүдө.

Соттук ишти судья Инара Гилязетдинова кароодо.

Бүгүнкү отурумда Улуттук энергохолдингтин мурдагы башчысы Айбек Калиев сурак берип жатат.

"Тергөө мени кандайдыр бир желмогуздай көрсөтүптүр. Улуттук экотехинспекцияга басым жасаган деген чечим чыгарыптыр. Мен кызматымдын алкагында бир гана чарбачылык иштерди жүргүзчүмүн.Учурда Биз сурак берип, жооп тартып жаткан ЖЭБ кадимкидей эле иштеп жатат", - деди Калиев.