Окумуштуулар: "Адамзатты "сансыз азап" күтүп жатат"

Окумуштуулар адамзатты "сансыз азап" күтүп жатат деп айтышты. Дүйнөнүн 153 өлкөсүнүн 11 миңден көп окумуштуулары адамзатты “сансыз азап” күтүп жатат деген документке кол коюшту. Эгер адамдар зыяндуу газдарды чыгарууну уланта берсе, аягы жакшылыкка алып келбешин эскертишти. Бул тууралуу дүйнөлүк ЖМКлар жазып чыгышты.

Маалыматта жазылгандай, 40 жыл ичинде иликтенип келе жаткан маалыматтарга таянып, ушундай жыйынтыкка келишкен. Мында энергияны колдонуу, температуранын жогорулашы, калктын санынын өсүшү, мөңгүлөрдүн массасынын азайышы, зыяндуу газдардын көп болушу камтылган.

Документтин авторлорунун бири Сидней университетинин кызматкери Томас Ньюсомдун айтымында, окумуштуулар экологиядагы өзгөчө кырдаалдарды айтып, адамдардын моралдык карызын толуктоосу зарыл. Анын кесиптеши Уильям Риппл климаттын өзгөрүүсү изилдөөчүлөр күткөндөн дагы өтө тездик менен жүрүп жатканын кошумчалады.

Адистер адамзат дагы деле кандайдыр бир өлчөмдө мындай абалды өзгөртүүгө мүмкүн экендигин баса белгилешти. Алар глобалдык жылуулуктун ылдамдыгын азайтуудагы бир канча сфераларды айтышты. Окумуштуулар адамдарды зыяндуу газдарды чыгарууну азайтууну, токойлорду массалык түрдө жок кылуудан баш тартууга чакырышты.