Андрей Малахов Биринчи каналдан канча айлык алганын ачыктады

Белгилүү орусиялык журналист Андрей Малахов телеалпаруучу Ксения Собчактын "Осторожно, Собчак!" ("Абайла, Собчак!") программасына катышып, орусиялык Биринчи каналдан алган айлыгы, каналдын жарнамадан тапкан акчасы тууралуу көп кызыктарды айтып берди. Интервью учурунда ал Биринчи каналдан айына 50 миң доллар айлык алганын айткан.

"Биринчи каналда иштеп жүргөн кезде айына 50 миң доллар айлык алчумун. Владимир Познер, Иван Ургант менден да көп алышчу. "Пусть говорят" (Мейли, айта беришсин") ток-шоусун алып барып жүргөн кезде программа учурунда көрсөтүлгөн жарнама канча турарына кызыккан эмесмин. Би-би-си каналынан Биринчи канал жарнамадан канча акча тапканы тууралуу маалымат көрүп калдым. Менин программамдан жылына 1 миллиард 200 миллион доллар киреше түшчү экен. Ошону угуп, электрошокер менен ургандай абалда калгам", - дейт Малахов.