Анжелина Жоли АКШдан кетүү ниети бар экенин билдирди

Актриса Анжелина Жоли АКШдан башка өлкөдө жашоону пландап жаткандыгын билдирди. Бул тууралуу ал чет элдик басылмалардын бирине берген интервьюсунда айткан.

"Менин балдарым 18 жашка чыгары менен башка өлкөгө кетейин деп жатам. Азырынча алардын атасы каалаган жерде жашоого мажбурмун", - деген ал.

Актриса кайсыл өлкөгө көчүп кетерин так айткан эмес, бирок ал ар дайым аны Африка кызыктырып келгенин айтып келет.

Эске салсак, Анжелина Жоли менен Брэд Питт 2016-жылы эки башка жолго түшүшкөн. Ал жолдошунун бала тарбиялоодогу ыкмаларын жактырган эмес. Актриса ажырашуу демилгесин өзү көтөрүп, сотто 6 баласын өзү менен калуусун сураган. Түгөйлөр ортодогу таарынычтарды, пикир келишпестиктерди унутуп, 6 баланы тарбиялоо керек экендигин түшүнүшкөн соң 2019-жылдын май айларында кайра жарашкан.