"Апаң тарбия бергенби?" деген комментарийлер жазыла берген казак кызы Айжан Байзакованын апасы сүрөтүн жарыялады

Казакстандык блогер Айжан Байзакова социалдык тармакта катталуучулары эң көп колдонуучулардын бири. Ал даярдаган вайн, видеолорго жана өзүнүн жеке сүрөттөрүнө жазылган комментарийлердин саны да көп.

Арасында анын айрым сүрөттөрүн уят деп сыпаттап, "кимден тарбия алгансың?" деген сындуу билдирүүлөрдү да жазышчу. Казак маалымат каражаттары блогердин апасы бул ирет жүзү көрүнгөн сүрөтүн жарыялаганын жазды. Буга чейин Байзакованын апасы жеке баракчасына бети көрүнбөгөн сүрөттөрүн жүктөчү.

"Менден эмнеге жүзүңдү көрсөтпөйсүң деп көп сурашып, уялбай эле коюумду өтүнүшчү. Мына мен, жөнөкөй эле адаммын, бетимде ашыкча мурдум жок. Мен 3 неберенин чоң энесимин, таанышканыма кубанычтамын, достошобуз", - деп жазган ал.

Сүрөттүн алдына колдонуучулар анын жаш көрүнгөнүнө жана сулуулугуна суктанган комментарийлерди жазышууда.