Жалал-Абадда "Коопсуз шаар" долбоорунун экинчи этабы ишке кирет

Жалал-Абад облусунда "Коопсуз шаар" долбоорунун 2-этабын ишке ашыруу старт алды.

Долбоордун алкагында, бүгүнкү күндөн тарта Бишкек - Ош, Жалал-Абад - Балыкчы унаа жолдорунда жана Жалал-Абад шаарынын көчөлөрүндө жол эрежелеринин бузууларын аныктоо үчүн көзөмөл камера-комплекстерин орнотуучу аймактар алдын ала текшерилди. Текшерүүнү Кытай Эл Республикасынын "Snenzhen Sunwin" компаниясынын өкүлдөрү, ИИМдин Жол кыймылынын коопсуздугун камсыздоо башкы башкармалыгынын жана Жалал-Абад облустук Жол кыймылынын коопсуздугун камсыздоо бөлүмүнүн кызматкерлери колго алышты.

Көзөмөл камера-комплекстери төмөнкүдөй тартипте орнотулмакчы:

Жалал-Абад облусунун аймагы аркылуу өткөн Бишкек - Ош унаа жолундагы 32 жайга;
Жалал-Абад - Балыкчы унаа жолундагы 4 жайга;
Жалал-Абад шаарынын көчөлөрүндөгү 12 жайга.