Түрк басылмалары Айэркен Саймаитинин өлүмүнө шектүү делинген 2 Кыргыз жараны кармалганын жазып чыгышты

"Азаттыктын" иликтөөсүндө аты аталган Айэркен Саймаити киши колдуу каза болгон. Анын өлүмүнө шектелип 3 жаран Сирияга качууга аракет кылып жаткан жеринен кармалганын, алардын экөө Кыргыз жараны болгонун бир катар түрк басылмалары жазып чыгышты.

Маалыматка ылайык, ыкчам тергөө иштеринин алкагында шектүүлөр Түркиянын Адана шаарынан кармалган. Алар Кыргыз жарандары Хусейин Ахметалиев, Абдуллах Энвер жана сириялык Али Ысбех болгон.

Сурак учурунда кылмышка шектелип жаткандар Айэркен Саймаитинин Кыргыз өлкөсүндө аласа-бересе маселери болгонун, мындан улам ага кол салганын айтышкан. Ошондой эле кылмыш учурунда айдап жүргөн унааны Стамбул шаарындагы Пендик аймагына токтотконун билдиришкен.

Кечээ, 11-ноябрда түрк басылмалары Айэркен Саймаитини Стамбул шаарындагы Фатих аймагында "Миллет-Стрит" мейманканасында белгисиз жарандар атып кетишкенин жазышкан. Оор жаракат алган Айэркен Саймаити ооруканадан жан берген. Окуя болгон жолдун боюна токтотулган Range Rover үлгүсүндөгү 34 CC 2902 консулдук номерлүү унаа болгон. Бул унаа боюнча Кыргыз өлкөсүнүн Тышкы иштер министрлиги үн катпай жатат.

Бүгүн, 12-ноябрда Кыргыз өлкөсүнүн Стамбулдагы Башкы консулу Эркин Сопоков кызматынан бошотулду.