ЖЭБ соту: Айбек Калиевдин жактоочусу судьяга TBEAнын өкүлдөрүн суракка алуу үчүн видео байланыш түзүп берүүсүн өтүндү

Бүгүн, 13-ноябрда Бишкектеги Свердлов райондук сотунда Бишкек ЖЭБди жаңылоодогу коррупция боюнча соттук отурум уланууда. Отурум Айбек Калиевдин жактоочусунун судьяга болгон өтүнмөсүнөн башталды. Анда ал TBEAнын өкүлүн суракка алуу боюнча дистанциондук байланыш түзүп берүүсүн өтүнмө кылды. Тагыраагы, техникалык каражаттарды колдонуу менен компаниянын өкүлүн суракка алынышы керектигин айтты.

Жактоочулар бул өтүнмөнү колдоп, кылмыш ишинин алкагында сот экинчи тараптын отурумга катышуусун камсыз кылууга милдеттүү экенин билдирди.

Мурдагы өкмөт башчы Сапар Исаков: "Бул өтүнмөнү толугу менен колдойм. Анткени отурум экинчи тараптын катышуусу жок болгондуктан созулуп жатат. Менин жактоочуларым TBEAнын өкүлү болгон Мусажан Макелекти УКМКнын имаратынын жанынан көргөн экен. Ал Кыргыз өлкөсүндө жүрсө, эмне үчүн видео байланыш аркылуу сурак бериши керек?", - деди ал.

Ал эми мамлекеттик айыпталуучулар: "TBEAнын өкүлү болгон Мусажан Макелекке күнөө коюлган. Ал УКМКга суракка келип жатат", - деди алар.

Буга судья ал өкүл кылмыш-жаза ишинин алкагында сурактан өтүп жатканына байланыштуу күбө катары сурак бере албастыгын айтып, өтүнмөнү аткаруудан баш тартты.