Жогорку Кеңеште "Ысык-Көл" биосфералык чөйрөсүн өнүктүрүүгө багытталган мыйзам долбоору каралды

Бүгүн, 13-ноябрда Жогорку Кеңеш жыйынында “Кыргыз Республикасындагы биосфералык аймактар жөнүндө” мыйзамга өзгөртүүлөрдү киргизүү тууралуу” мыйзам долбоору биринчи окууда каралды.

Айлана-чөйрөнү коргоо жана токой чарбасы мамлекеттик агенттигинин директору Мирслав Аманкулов мыйзам долбоорунун концепциясы менен тааныштырды.

Талкуу учурунда депутат Мирлан Бакиров биосфера чөйрөлөрүндөгү илимий иштер жана Ысык-Көлдөгү саркынды суулар боюнча жасалып жаткан иштерге кызыкты.

"Ысык-Көлдөгү саркынды сууларды туура агызып, чыгарып кетпегендерге жоопкерчилик маселесин кароо керек", - деди ал.

Ал эми депутат Максат Сабиров өлкөдөгү егерлер колдоого алынбаса, биосфералык аймактар боюнча мекемелерде илимпоздор болбосо, коюлган максаттарга жетүү кыйын болооруна токтолду.