Футбол федерациясынын өкүлү: "Билет ала албай калган күйөрмандар үчүн эски аянтта чоң экрандан футбол көрсөтүлөт"

Эртең, 14-ноябрда өтө турган Кыргыз өлкөсү менен 4 жолку Азия чемпиону Япония менен беттешке чыккан бардык билеттер сатылган. Футбол федерациясынын өкүлү Наталья Угрюмова билет ала албай калышкан күйөрмандар үчүн атайын чоң экранда футбол көрсөтүлөрүн айтты.

"Урматтуу күйөрмандар, билет ала албай же сатып алууга жетишпей калгандар үчүн эски аянтта, чоң экранда Кыргыз өлкөсү менен Япония менен болгон беттеш көрсөтүлөт. Андыктан, билетсиз калгандар стадионго келип алып топтошкондун ордуна, чоң экрандан көрүүгө чакырабыз. Австралия менен болгон оюндай окуялар кайталанып кетишин каалабайбыз. Эгерде ушундай же Мьянма менен болгон оюндай окуя кайталанса, Бишкекте улуттук курама команданын оюну өткөрүлбөй калат", - деди ал.

Япония менен болгон беттеш 14-ноябрда саат 17:15те башталат.