Өкмөт башчы былтыр кышында Бишкектеги көп кабаттуу үйлөрдүн терезеси көбүнчө ачык турганын көрүптүр

"Былтыр кышында Бишкектеги көпчүлүк үйлөрдүн терезелери ачылып турду, электр энергиясын үнөмдөө керек. Мындай көйгөйлөрдү ар бир аймактагы жергиликтүү бийлик көзөмөлгө алышы зарыл". Мындай пикирди премьер-министр Жантөрө Сатыбалдиев бүгүн, 14-августта 2013-2014-жылдын күз-кыш мезгилине карата даярдыктарды көрүү боюнча ӨКМда өткөн жыйында айтты. Ал тиешелүү бийлик органдарына кышка даярдануу үчүн былтыркы жылдагыдай кош көӊүл мамиле кылбай, карыз акчаларды төлөп, жетиштүү деӊгээлде даярдык көрүү керектигин билдирди.