Дубайда уурулук кылган 3 Кыргыз жараны соттолду

Дубайда уурулук кылган чет элдик топтун мүчөлөрүнө карата соттун чечими чыкты. Алар 3 жылга эркинен ажыратылып, андан кийин депортацияланат. Кылмышка шектүүлөрдүн үчөө Кыргыз жараны болгонун UAE басылмасы жазып чыкты.

Соттолгон жарандар ушул жылдын февраль айында Дубайдагы Палм-Жумейра аралындагы виллалардын бирине балкон аркылуу киришкен. Алар виллага түн ичинде кирип баалуу буюмдар сакталган 3 сейфти талкалашкан. Уурдалган буюмдардын арасында баасы 219 миң дирхамды (4 миллион 165 миң 108 сом) түзгөн Rolex сааты болгон.
Уурдалган буюмдарды 31 жаштагы кылмышка шектүүлөрдүн биринин таанышына калтырып, өздөрү ошол эле күнү Дубайдан башка өлкөгө учуп кетишкен. 31 жаштагы кылмышка шектүү таанышынан буюмдарды Бириккен Араб Эмираттарынан 900 долларга чыгарып кетмек болгон.
Дубайдын полициясы шектүү делинген 4 жаранды кармап, уурдалган буюмдардын айрымдарын ээсине өткөрүп берген. Ал эми уурдалган буюмдарды сактап жүргөн айым эркиндикте экени айтылат маалыматта.

"31 жаштагы айыпталуучу таанышына жолугуп, баалуу буюмдарды алып, өлкө аймагынан чыгарып кетүүнү пландап жатканын моюнга алган. Ал аны менен чогуу кылмыш кылган 3 адамга материалдык, техникалык жардам көрсөтүп жүргөн. Сотто Кыргыз жарандары күнөөлөрүн моюнга алышып, Дубайга акча жана баалуу буюмдарды уурдоо үчүн келгендерин айтышкан", - деп жазылат маалыматта.