19-ноябрга карата Бишкектеги абанын булгануусу нормадан 2 эсе ашканы айтылды

Бүгүн, 19-ноябрда Бишкектин борборундагы абанын булгануусу нормадан 2 эсе ашкандыгы белгиленди. Бул тууралуу "AirKaz.org" сайтына жарыяланган абанын булгануу мониторингинин картасында көрсөтүлгөн.

"Бишкектин борборунда абанын булгануу нормасы чектен ашканын атайын ченөөлөрдөн алынган көрсөткүчтөрдөн улам белгилүү болгон. Алсак, борбордук аймакта абадагы булганган бөлүкчөлөр 58мкг/куб метрге барабар болгон. Салыштырмалуу бул аймактын нормалдуу орточо суткалык нормасы 35 мкг/куб метрди түзөт. Ал эми Бишкектин чыгыш бөлүгүндө бөлүкчөлөрдүн көрсөткүчү 119 мкг/куб.метрди түзгөн. Борборубуздун түштүк жагында абанын булгануу көрсөткүчтөрү салыштырмалуу төмөн", - деп айтылат маалыматта.

Маалым болгондой, бул 19-ноябрь саат 08:00гө карата алынган көрсөткүчтөр.