КВНчи Эльдияр Кененсаров Орусиянын "Жылдын студенти" сыйлыгына калыстык кылды

14-18-ноябрь күндөрү Ростов-на-Дону шаарында Орусиялык улуттук "Жылдын студенти - 2019" сыйлыгы орун алды. Ага "Азия Mix" КВН командасынын жетекчиси Эльдияр Кененсаров калыстык кылды.

Сыйлыкка катышкан 330дан ашык студент "Жылдын студенти" сыйлыгынын алкагында 7 жеке, 7 жамааттык наам боюнча ат салышты. Билими, дүйнө таанымы менен атаандаштарын артта калтырган "Жылдын студенти" сыйлыгынын баш байгеси М.В. Ломоносов атындагы Москва Мамлекеттик университетинин студентине буюрду. Аталган сыйлыктын финалдык сынагына кыргыздын сыймыгы, Орусиялык КВН Жогорку Лигасынын чемпиону "Азия Mix" командасынын капитаны, акыркы кезде өзүн ырчы катары сынап жүргөн ырчы Эльдияр Кененсаров, жеңил атлетика боюнча дүйнөнүн 6-жолку чемпиону, Олимпиада чемпиону Татьяна Лебедева, музыкант, акын, алып баруучу Стаст Море жана башкалар калыстык кылышты.