Ырчы Илгиз Абдалиев сүйүктүүсүн ачыктады. Жакында той

"Жүрөгүм", "Гүлдөй, гүлдөй", "Асылым" жана башка ырлардын аткаруучусу, ырчы Ильгиз Абдалиев жүрөгүнүн ээсин ачыкка чыгарды. Жакынкы күндөрдө ал сүйүктүүсүнө баш кошору тууралуу SUPER.KG порталына билдирди.

"Эртең, 22-ноябрда туулган күнүм, буюрса, 30 жашка чыгам. Туулган күнүмдү белгилеп алып, эртеси Жумгалга барып сүйүктүүмө сөйкө салып, кыргыздын каада-салты менен үйүнөн алып келем. Болочок жубайымдын аты - Назима, 23 жашта. Учурда Кыргыз Мамлекеттик тоо-кен университетинде бухгалтерлик кесипке окуп жатат. Аябай жайдары, үй оокаттарына тың, сый-урматты билген, тамашакөй, түшүнүктүү кыз. Аны бир көргөндө жактырып, кыз-жигит болууну сунуштадым. Андан көп өтпөй "мага турмушка чыгасыңбы?" дедим (күлүп). Эң негизгиси, мени сүйгөн жана мен сүйгөн кызды жолуктурдум", - дейт ырчы мырза.