Бишкекте “Замандаш” ассоциациясынын 10 жылдык мааракесине арналган иш-чара өтүүдө

Бүгүн, 15-августта Бишкектеги Т.Абдумомунов атындагы Кыргыз улуттук академиялык драма театрында “Замандаш” ассоциациясынын 10 жылдык мааракесине арналган иш-чара салтанаттуу түрдө ачылды. Алгач ассоциациянын түзүлүш тарыхы, анын негиздөөчүсү жана 10 жыл аралыгында аткарган иш-аракеттери тууралуу маалымат берилди. Белгилей кетсек, бул ассоциация чет өлкөлөрдө жашаган кыргыздардын улуттук аң-сезимин көтөрүүгө жана башка ар түрдүү маселелерди чечүүгө, эмгек мигранттарына укуктук жактан жардам берүүгө колдоо көрсөтүп келет. “Замандаш" дүйнөдө 130дан ашык диаспоралар менен иштешет.