Кылычбек Султан: "Саймаити боюнча депутаттык комиссиянын ордуна көз карандысыз мамлекеттик комиссия түзүлсө туура болмок"

Түркияда киши колдуу каза болгон Айэркен Саймаити боюнча депутаттык комиссиянын ордуна көз карандысыз мамлекеттик комиссия түзүлсө туура болмок. Бул тууралуу бүгүн, 22-ноябрда мурдагы элчи Кылычбек Султан Фейсбуктагы баракчасына жазып чыкты.

Мындан сырткары экс-элчи "бийлик эл ишениминен биротоло ажырап калды, жаңы шайлоолор жарыяланышы керек" деген пикирин билдирген.

Эске салсак, 11-ноябрга караган түнү Стамбул шаарында "Азаттыктын" иликтөөсүндө аты аталган Айэркен Саймаити киши колдуу каза болгон. Окуя болгон жерде Range Rover үлгүсүндөгү 34 CC 2902 консулдук номерлүү унаа болгон. Ал унаа Стамбулдагы Кыргыз өлкөсүнүн башкы консулу Эркин Сопоковго таандык болуп чыгып, ал 12-ноябрда кызматынан бошотулган. Саймаитинин өлүмү боюнча баш-аягы 4 адам шектелип кармалганын буга чейин түркиялык басылмалар жазып чыгышкан.

Ал эми кечээ, 21-ноябрда Жогорку Кеңеште Саймаити боюнча маалыматтарды иликтөө үчүн депутаттык комиссия түзүлгөн.