КҮНСОБОЛ: Кыргыз мамлекети АКШ, Кытай, Орусия өңдүү өлкөлөрдүн кызыкчылыктарынын кагылыш очогунда калдыбы? Карашев: "Биз бир өлкөнүн ортосунда кала турган мамлекет эмеспиз"

Өткөн аптада "Азаттык" "Кыргызстандан чыгарылып кеткен миллиондордун изи" деген иликтөөсүнүн уландысын жарыялаган. Макаладан улам социалдык тармактын колдонуучулары талаш-тартыш жараткан талкуу жүргүзүп, алардын арасында Кыргыз мамлекети АКШ, Кытай, Орусия өңдүү өлкөлөрдүн кызыкчылыктарынын кагылыш очогунда калды дегендер да бар.

SUPER.KG порталы "Кыргыз мамлекети АКШ, Кытай, Орусия өңдүү өлкөлөрдүн кызыкчылыктарынын кагылыш очогунда калдыбы?" деген собол салды.

Жогорку Кеңештин депутаты Аалы Карашев Кыргыз мамлекети көз карандысыз өлкө экенин белгиледи.

"Кыргыз мамлекети өз алдынча, эгемендүү, көз карандысыз өлкө. Өзүнүн аянты, Конституциясы, желеги, гимни бар. Бул жерде 6 жарым миллион калк жашайт. Баарыбыз Кыргыз мамлекетинин патриотубуз. Биз эч кандай бир өлкөнүн ортосунда калган мамлекет эмеспиз", - дейт Аалы Карашев.