Депутат: "Өлкөдөгү күйүүчү майдын 25 пайызы аткезчилик жолу менен алып келинет"

"Өлкөгө күйүүчү майдын 25 пайызы аткезчилик жолу менен алып келинет", - деп бүгүн, 26-ноябрда Укук тартиби, кылмыштуулук менен күрөшүү жана коррупцияга каршы аракеттенүү боюнча Комитетинин жана Экономикалык жана фискалдык саясат боюнча комитетинин жыйынында депутат Бакирдин Субанбеков билдирди.

"Экономика министрлигинин маалыматы боюнча, күйүүчү майдын 25 пайызы аткезчилик жолу менен алып келинет. Жакында эле Орусиядан келген коноктор Кыргыз өлкөсү өзүн кедей деп эсептегени менен андай эмес экенин байкашканын айтышты. Алар басымдуу бөлүгү кымбат баалуу унааларды айдап, кечинде көңүл ачуучу жайларда унаа токтотконго орун калбай калат экен, демек өлкөңөрдө көмүскө экономика өсүп жаткандын белгиси дешти", - деди депутат.