Кой-Таш окуясын иликтеген мамлекеттик комиссиянын жыйынтыгы Жогорку Кеңештин комитетине түшө элек

Кой-Таш окуясын иликтеген мамлекеттик комиссиянын жыйынтыгы Жогорку Кеңештин Укук тартиби, кылмыштуулук менен күрөшүү жана коррупцияга каршы аракеттенүү боюнча комитетине түшө элек. Бул тууралуу бүгүн, 26-ноябрда SUPER.KG порталына аталган комитеттин төрайымы Наталья Никитенко билдирди.

Өткөн аптада өкмөттүн басма сөз кызматы аталган комиссия чыгарган бүтүмү Жогорку Кеңешке жөнөтүлгөнүн кабарлаган.

29-августта Кой-Таш окуясын иликтөө боюнча мамлекеттик комиссия түзүлгөн. Вице-премьер-министр Жеңиш Разаков комиссиянын төрагасы, Жогорку Кеңештин депутаты Бакытбек Райымкулов комиссиянын төрагасынын орун басары болгон. Ал эми комиссияга Жогорку Кеңештин депутаттары, өкмөт өкүлдөрү, коомдук ишмерлер кирген.