Коомдук тартипти камсыздап жаткан милиция кызматкерлерине ысык тамак жана жылынуу пункту уюштурулду

Коомдук тартипти камсыздап жаткан милиция кызматкерлерине ысык тамак берүү уюштурулду. Бул тууралуу ИИМдин басма сөз кызматынан билдиришти.

Маалыматка ылайык, бүгүн, 2019-жылдын 28-ноябрь күнү Бишкекте Жамааттык коопсуздук келишими уюмунун кезектеги сессиясы өтүүдө. Сессияны өткөрүү учурунда коомдук тартипти камсыздоо жана ыкчам аракеттерди көрүү максатында күнү-түнү нөөмөт менен милициянын кайгуул кызматтары уюштурулду.

Коомдук тартипти төрт миң милиция кызматкери камсыздашууда жана кызматын сапаттуу өтөө үчүн зарыл болгон нерселер менен камсыздалышты. Коомчулуктан кошумча суроо-сунуштар келип жаткандыгына байланыштуу, Ички иштер министрлиги кызматкерлер үчүн кошумча ысык тамак жана кезек-кезеги менен нөөмөттө туруу, ошондой эле жылынуу пункту уюштурулганын басма сөз кызматынан билдиришти.

Бүгүн, 28-ноябрга карата Бишкек шаарында аба ырайынын температурасы -4 градусту түзүүдө.