"Сагыздай эле чоюлат". Казакстандын тургуну жасалма жол менен даярдалган жүзүмдөр тууралуу айтты

Казакстандын тургуну базардан алган жүзүмдүн ичи гель экенин айтып, аны видеого тартып алган. Видеонун автору жүзүмдү жегенде даамы башкача болгондуктан ичин ачып көрүүнү туура көргөн.

"Жүзүм сыртынан табигый көрүнөт. Данеги, сабагы дагы бар. Бирок ичи толо гель экен. Сагыздай эле чоюлуп жатат. Эми жүзүмдөрдү дагы жасап калышыптыр. Эгер жүзүм ала турган болсоңор абайлаңыздар", - деген автор.

Бул видеону автор казак басылмаларынын редакциясына жиберген. Жергиликтүү басылмадан Казакстандын коомдук саламаттыкты коргоо департаментине кайрылып жооп алышкан.

"2018-2019-жылы жарандардан жүзүмгө байланыштуу билдирүү келип түшкөн эмес. Ал эми видео боюнча айта турган болсок, кыска тасмада мөмө-жемиштин сатылган дареги, кардар качан алганы, канча убакыттан кийин жүзүмдүн ичи гель экенин аныктаганы айтылган эмес. Мындан улам биз пландан тышкаркы текшерүү жүргүзө албайбыз", - деп билдиришкен.