Супер-Инфо
super.kg видео
Акыйкатчы институтунун өкүлү Фейсбуктагы БеспределKG баракчасынын УКМКнын СИЗОсундагы администратору менен жолукту
Кечээ, 29-ноябрда Акыйкатчы институтунун өкүлү Фесбуктагы БеспределKG баракчасынын администратору Автандил Жоробековдон кабар алуу үчүн УКМКнын СИЗОсуна барды. Бул тууралуу Акыйкатчы институтунан кабарлашты.
Маалыматка ылайык, аталган мекеменин өкүлү Жоробековго жолуккан учурда анын жанында жактоочусу Тимур Султанов жана "Адилет" укуктук клиникасынын башчысынын орун басары Бектур Осмонбаев болгон. Акыйкатчы институтунун өкүлүнөн сырткары, Жоробеков менен Кыйноолордун алдын алуу боюнча улуттук борбордун өкүлдөрү да жолугуп, сүйлөшүшкөн.
"Автандил Жоробеков андагы кармоо шарттарына жана тамак-ашка эч кандай нааразычылыгы жок экенин айткан. Убактылуу кармоочу жайга киргизгенде ага фельдшерлер кароо жүргүзүп, денесинде кыйноонун белгилери жок экенин аныкташкан. Акыйкатчынын атына оозеки жана жазуу түрүндө кайрылуу мүмкүнчүлүгү бар экенин айтканда, ал бул шарттан баш тартты. "Эч кандай доом жок, кайсы бир мекемелерге кайрылайын деген оюм жок" деди Жоробеков", - деп жазылат маалыматта.
Ушул жылдын 24-ноябрында аймактар аралык касташууну козутуу фактысы боюнча социалдык тармактын активдүү колдонуучусу кармалган. Бул тууралуу УКМК билдирген. Кармалган жаран БеспределKG баракчасынын администратору Автандил Жоробеков экендиги белгилүү болгон. Ал 2020-жылдын 24-январына чейин камакка алынган.
0
Сооронбайын иттик кылып жатса итсин деп эле айтыш керек, анын бир жерин тырмап оокат кылбай. Азыр Сокенин бийлиги адамдын чынчыл, калыстыгына карап эмес, кошоматчылыгына карап иш кылып калыптыр. Адамдык сапатын тез алмаштырган кошоматчы коркок саясатчылар аман эле болсун. Кызмат дегенде Сокенин этегени жугунуп, чындыка коз жумуп коймой ар бир экинчи мамкызматкердин иши болуп калды.