Бишкектеги Саадаев көчөсүндөгү ремонт иштери аяктап, транспорт каттамдары үчүн жол ачылды

Бишкектеги Саадаев көчөсүнүн бир бөлүгүндө оңдоп-түзөө иштери аяктап, транспорт каттамдары үчүн ачылды. Бул тууралуу Бишкек мэриясынын маалымат кызматынан кабарлады.

"Саадаев көчөсүнүн Тоголок Молдо көчөсүнөн профессор Зима көчөсүнө чейинки бөлүгүнө борбордук канализация орнотулду. Курулуш иштеринен калган таштандылар тазаланып, унаа каттамдары үчүн жол ачылды.
Борбордук канализацияга туташтыруу иши ири долбоордун негизинде ишке ашты. Долбоордун алкагында Манас кең көчөсү, Тоголок Молдо, Васильев жана Саадаев көчөлөрүнө борбордук канализацияга туташтыруу каралган", - деп айтылат маалыматта.