Эпатаждуу кыргыз ырчысы Лира Seven Дубайда өткөн сулуулук сынагына катышууда

Акыркы кезде өзүн дизайнер катары сынап жүргөн эпатаждуу ырчы, обончу Догдурбай Урманбетовдун кызы Лира Seven Дубайда өткөн сулуулук сынагына катышууда. Бул тууралуу ал SUPER.KG порталына билдирди.

"Сынак "СССР ханышасы" ("Queen of USSR") деп аталат. Ал жакка КМШ өлкөлөрүнөн келген сулуу, өзгөчө, харизмалуу, таланттуу кыздар катышып жатат. Сынактын алкагында ар кандай жарнамалык роликтерге тартылабыз. Андагы жүрүш-турушубузду, өзүбүздү кандай алып жүрөбүз, баарын байкап, аягында ошого жараша упай берилет. Сынактын артыкчылыктары да көп. Кыздарды атайын клиникаларга алып барышат. Ал жакта кыздар оозуна, көкүрөгүнө операция жасатып, бетине кам көрүүчү ар кандай процедураларды жасатса болот. Мен бирине да барган жокмун, алар "сизде баары жайында экен" деп коюшту (күлүп). Март айында масштабдуу концерт өткөрүлүп, ошол жактан сулуулар сынагынын жеңүүчүсү аныкталат", - дейт Лира.