Чаламандын чак түшүндө. Бишкекте жеңил унааны айдап бара жаткан айдоочу асманга карай ок чыгарды (видео)

Бишкектин Түштүк магистралы менен Тынчтык кең көчөсүнүн кесилишинде жеңил унааны айдап бара жаткан айдоочу асманга карай ок атып, андан соң жолун улаган видео интернетке тарады.

Видеодо айдоочу бурулуп бара жатып, алдындагы унааларды токтотуу үчүн ок атканын байкоого болот.

Бул факты боюнча Бишкек ШИИББине кайрылганыбызда, ыкчам топ иликтөө иштерин баштап, унаанын айдоочусун аныктоо иштери башталганын билдирди.