Ош. "Тазалык" ишканасы шаардын тазалыгы боюнча түнкүсүн рейд жүргүзүп жатат

Ош шаарындагы “Тазалык” ишканасынын кызматкерлери 14-августтан баштап түнкүсүн шаардын көчөлөрүнө таштанды таштоого каршы рейд жүргүзүп жатышат. “15-августта саат 21:00 чамасында шаардагы "Тез жардам" станциясынын кызматкерлери жол боюна медициналык каражаттардын калдыктарын, көрнөк-жарнак агенттиктеринин өкүлдөрү да жол боюна таштанды төгүп жаткан учурда кармалды”,- дейт "Тазалыктын" кызматкери Алибек Адылбеков. Рейд 17-августта да улантылат.