Декларация: Министрдин орун басары Кожогелди Кулуев былтыр 262 миң сом, жакындары 264 миң сом киреше тапкан

Маданият, маалымат жана туризм министринин орун басары Кожогелди Кулуев 2012-жылы 262 281 сом киреше тапканын тапшырган декларациясында көрсөттү. Үйү же батири, унаасы тууралуу маалымат жазбаган аткаминер бир компаниянын 6,5 пайыздык акциясына ээлик кыларын билдирди. Анын жакындары былтыр 264 миң сом киреше табышса, 96 чарчы метр жерди ээлеген батирге ээлик кылышат. Алардын автоунаасы - 1996-жылы чыгарылган Тойота Виндом.