ИИМ: "Кой-Ташта каза болгон спецназ Үсөнбек Ниязбековго Атамбаевге тийиштүү снайпер мылтыгынан ок атылган"

"Кой-Ташта каза болгон спецназ Үсөнбек Ниязбековго "Карабин СВД" үлгүсүндөгү куралдан чыккан ок тийген" деп бүгүн, 12-декабрда Жогорку Кеңештин жыйынында ички иштер министринин орун басары Памирбек Асанов билдирди.

Ички иштер министри Кашкар Жунушалиев "Карабин СВД" үлгүсүндөгү снайпер мылтыгы Алмазбек Атамбаевге таандык экенин айтты.

Жогорку Кеңеште Кой-Таш окуясын иликтеген мамлекеттик комиссиянын жыйынтыгы каралды.

29-августта Кой-Таш окуясын иликтөө боюнча мамлекеттик комиссия түзүлгөн. Вице-премьер-министр Жеңиш Разаков комиссиянын төрагасы, Жогорку Кеңештин депутаты Бакытбек Райымкулов комиссиянын төрагасынын орун басары болгон. Ал эми комиссияга Жогорку Кеңештин депутаттары, өкмөт өкүлдөрү, коомдук ишмерлер кирген.