Кримтөбөл Батукаевдин иши: Алмазбек Атамбаевдин кан басымы төмөндөп, отурумга келбегендиги айтылды

Бүгүн, 17-декабрда Бишкектеги Биринчи Май райондук сотунда кримтөбөл Азиз Батукаевдин абактан мыйзамсыз бошотулушуна байланыштуу соттук отурумдун болушу күтүлүүдө. Отурумга мурдагы башкы прокурор Индира Жолдубаева келди. Отурум жабык эшик артында өтөт.

Жактоочу Замир Жоошев: "Алмазбек Шаршеновичтин кан басымы төмөндөп кетиптир. Мен билгени ал көрсөткүч 50/78 болуп төмөндөп кеткен. Андыктан ал отурумга келе алган жок", - деп жактоочу отурумга кирип кетти.

Биринчи Май райондук сотунун өндүрүшүндө "коррупция" беренеси менен айыпталып жаткандар мурдагы президент Алмазбек Атамбаев, мурдагы башкы прокурор Индира Жолдубаева, ЖАМКнын төрагасынын мурдагы кеңешчиси Калыбек Качкыналиев жана Улуттук гематология борборунун мурдагы жетекчиси Абдухалим Раимжанов.