Сиз мындай фотосессия кыла элексиз! "Бишкек жылуулук тармактарынын" кызматкерлеринин 20-кылымга жетелеген сүрөттөрү

"Бишкек жылуулук тармактар" муниципалдык ишканасынын кызматкерлери #трансформация деп аталган челленжге катышып, атайын фотосессия жасашты. Анда аталган ишкананын жетекчиси Виктория Мозгочева жана жумушчулар "Улуу Гэтсби" романынын каармандарына айланып, фотосессияга тартылды. Жумушчулардын формачан эмес костюм-шым, көйнөк кийген сүрөттөрүн Бишкек мэриясы бүгүн, 23-декабрда таратты.

Белгилүү болгондой, #трансформация челленжине шаардык кызматтар катышууда. Алгач 20-декабрда "Тазалык" ишканасынын кызматкерлери костюм-шым кийип түшкөн сүрөттөрү тараган. Андан кийинки эстафетаны "Бишкек жылуулук тармактар" ишканасы алганы белгилүү болду.