Сауд Арабиясы жарандарга эрте никеге турууга тыюу салды

Сауд Арабиясынын бийлиги жашы 18ге жете элек жарандарга никеге турууга тыюу салган мыйзам долбоорун кабыл алышты. Бул тууралуу чет элдик басылмалар жазышууда.

Маалыматка ылайык, Сауд Арабиясы көп жылдык талкуудан кийин жашы 18ге чыга электерге үй-бүлө курууга тыюу салган мыйзам долбоорун кабыл алышты. Юстиция министри Валид ас-Самаани аталган мыйзамды өлкөнүн бардык сот өкүлчүлүктөрүнө таркаткан. Мыйзамга ылайык, жашы 18ге жете элек жарандар никеге тура алышпайт. Эгер жашы жете элек өспүрүмдөр баш кошууну кааласа сотко кайрылып, атайын уруксат алууга тийиш болот. Сот эрте нике жаш өспүрүмдүн ден соолугуна, өмүрүнө жана келечегине терс таасирин тийгизүү коркунучун алдын алуу үчүн бардык жагдайларды карап чыгат.

Буга чейин белгилүү болгондой, никеге турууга белгиленген чектүү жаш курак каралган эмес. Ошол себептен жашы жете элек кыздарын эрте күйөөгө берүү кадыресе көрүнүш болуп калган.