Саясатчы Азимбек Бекназаров Кыргыз өлкөсүнүн Малайзиядагы элчиси болуп дайындалды

Саясатчы Азимбек Бекназаров Кыргыз өлкөсүнүн Малайзиядагы элчиси болуп дайындалды. Бул тууралуу президенттик аппараттын маалымат кызматынан бүгүн, 26-декабрда кабарлашты.

"Президент Сооронбай Жээнбеков кол койгон жарлыкка ылайык, Бекназаров Азимбек Анаркулович Кыргыз Республикасынын Малайзиядагы атайын жана ыйгарым укуктуу элчиси болуп дайындалды", - деп жазылат маалыматта

16-декабрь күнү Жогорку Кеңеште Эл аралык иштер, коргоо жана коопсуздук боюнча комитети мурдагы башкы прокурор Азимбек Бекназаровдун Кыргыз өлкөсүнүн Малайзиядагы элчиси кызматына талапкерлигин карай тургандыгы маалым болгон. Эртеси, 17-декабрда аталган комитет анын талапкерлигин жактырган.