15 жаштагы окуучу класс жетекчисине балка менен кол салган

Орусиянын Екатеринбург шаарында 15 жаштагы окуучу мугалимине балкасы менен кол салган. Бул тууралуу орусиялык басылмалар жазып чыгышты.

"9-класстагы окуучу мугалими жумушка баратканда артынан келип балка менен чапкан. Кол салуудан мугалим баш-сөөгүнөн жаракат алып, ооруканага жеткирилген. Маалыматка ылайык, мугалим окуучуга орус тили жана адабиятынан сабак берип, класс жетекчиси болгон. Ал жаман баа коюп жүргөндүктөн окуучу кылмышка барганы айтылууда", - деп жазылат маалыматта.