Таш-Көмүр ШИИБине ишкерден үч унаа белекке берилди

Жалал-Абад облусунун Таш-Көмүр ШИИБине 3 унаа берилди. Бул тууралуу облустук милициядан билдиришти.

Маалыматка ылайык, бүгүн, 26-декабрда Таш-Көмүр ШИИБине жергиликтүү "Ийгилик Кей Джи" ЖЧКсынын жетекчиси Ли Минян тарабынан 3 Daewoo Nexia унаасы тапшырылды.

Темир тулпарларды тапшырып жатып Ли Минян милиция кызматкерлеринин азыркы учурда жүргүзүп жаткан иштерине оң баасын берип, алдыда дагы кызматташууга даяр экендигин белгиледи.

Буга чейин демөөрчүлөр тарабынан Таш-Көмүр шаардык ички иштер бөлүмүнүн имараты толук капиталдык оңдоп-түзөөдөн өткөрүлгөн жана атуулдарды кабыл алуу бөлмөсү дагы бүткөрүлгөн.

Автоунаа тапшыруу аземине Жалал-Абад ОИИБинин башчысы Кылычбек Жолдошов Таш-Көмүр шаарынын мэри Рахман Асаналиев катышты. Ошондой эле коомдук коопсуздукту сактоого, кылмыштуулук менен күрөшүүдө өз салымын кошкондугу үчүн Таш-Көмүр ШИИБинин жетекчиси Азенбек Козукеевге Кыргыз милициясына 95 жыл юбилейлик медалы тапшырылды.