Кара-Суу шаарында болгон атышууда жаракат алгандардын аты-жөнү такталды

18-августта Оштун Кара-Суу шаарында болгон жаңжалда жаракат алган жарандардын аты-жөнү такталды. Кара-Суу аймактык ооруканасынын жетекчиси Каныбек Муратов билдиргендей, 18-августта 14:00дө ооруканага 1988-жылы туулган Мунар Сайпидинов бычактан жаракат алып кайрылган. Ага операция жасалып, учурда абалы канааттандырарлык экени айтылды. Ал эми 1983-жылы туулган Исламбек Каримов колуна ок тийип кайрылган. Ага тиешелүү медициналык жардам көрсөтүлгөн, ал ооруканага жатуудан баш тартты. Ошондой эле Жалал-Абад облустук ооруканасына 1987-жылы туулган Нурмухаммед Карагулов октон жаракат алып кайрылган. Аталган оорукананын башкы дарыгери Абдылатип Шамшиев билдиргендей, Нурмухаммеддин колтук жагына ок тийген, учурда абалы канааттандырарлык.