12 жашынан чылым чеккен адам тилинен айрылды

Улуу Британиянын 66 жаштагы тургуну Генри Приддинг учурда жасалма тил менен жашайт. Мындай абалга жетишине анын чылым көп чеккени себеп болгон. Бул окуя тууралуу чет элдик басылмалар жазышууда.

Маалыматка ылайык, 12 жаштан бери чылым чегип келген Генри 62 жашында рак илдетине кабылган. 14 саатка созулган операцияда Генринин 10 тишин жулуп, терисинен жасалма тил коюшкан. Ал эми жаагын карматуу үчүн бетине металлдан темир, ийне орнотулган. Ушундай жыйынтыкка кептелгенде гана ал чылым чегүүнү токтотуп, башкаларга да жаман адаттан арылууну сунуштаган. Кызыгы, анын жубайы да бир нече жыл мурун өпкө шишигине кабылып, чылым чегүүнү токтоткон. 2012-жылы химиялык терапияны өткөн соң жубайы илдеттен арылганы белгилүү болгон.

Ушул окуядан соң Генринин 5 баласы, 12 небереси тең чылымдан алыс жашап келишет.