Актриса Кэмерон Диаз 47 жашында кыздуу болду

Белгилүү америкалык актриса, модель Кэмерон Диаз 47 жашында биринчи жолу эне болду. Бул кабарды актриса жана анын сүйүктүүсү 40 жаштагы Бенджи Мэдден кечээ, 3-январда социалдык баракчасы аркылуу кабарлашкан.

Маалыматка ылайык, түгөйлөр көп жыл бою балалуу боло албай келишкен. Актриса ал үчүн актрисалык карьерадан баш тартып, 2014-жылдан бери тасмаларга тартылбай келет. "Акыркы 5 жылдан бери Кэмерондун ооруканадан башы чыккан жок. Канчалык аракет кылганы менен табигый жол менен боюна бүткөн жок. Акыры ЭКУ (экстракорпоралдык уруктандыруу) ыкмасына токтолуп, ал идея да ишке ашпай жатып араң болду. Кэмерон наристелүү болуу үчүн кандай гана тозоктон өтпөдү", - деген курбусу.