Москвада киши колдуу каза болгон Кыргыз жаранынын сөөгүн мекенине жиберүү боюнча элчилик билдирүү жасады

Москвада 25 жаштагы Адилет Байсабаев киши колдуу каза болгону маалымдалган. Окуя 2019-жылдын 31-декабрь күнү орун алганын маркумдун эжеси айтып, дагы деле сөөктү мекенине алып келе албай жатышканын билдирген.

Бул боюнча Кыргыз өлкөсүнүн Орусиядагы элчилигинин басма сөз кызматы билдирүү жасады.

"Маркумдун сөөгү мекенине тергөөчүнүн уруксаты, соттук-медициналык экспертизанын жыйынтыгы чыккандан кийин жиберилет. Учурда бул иш боюнча тергөөгө чейинки иш-чаралар жүрүп жатат. Уруксат кагаздарын алуу тергөө иштеринин жүрүшүнөн жана эс алуу күндөрүнөн көз каранды", - деп жазылат маалыматта.