Москвада киши колдуу каза болгон Кыргыз жаранынын сөөгү мекенине жөнөтүлдү
Москвада киши колдуу каза болгон 25 жаштагы Адилет Байсабаевдин сөөгү туугандарына өткөрүлүп берилди. Бул тууралуу Кыргыз өлкөсүнүн Орусиядагы элчилигинин маалымат кызматынан кабарлады.
"Жүк-200дү" Кыргыз өлкөсүнө "Уральские авиалинии" компаниясы Москва-Бишкек каттамы аркылуу жүргүздү. Маркумдун сөөгүн алып кеткен учак кечээ, 6-январда Бишкек убактысы менен саат 20:30да учкан", - деп билдирет басма сөз кызматынан.
Окуя 2019-жылдын 31-декабрь күнү орун алганын маркумдун эжеси айтып, дагы деле сөөктү мекенине алып келе албай жатышканын билдирген.
Кыргыз өлкөсүнүн Орусиядагы элчилиги маркумдун сөөгү мекенине тергөөчүнүн уруксаты, соттук-медициналык экспертизанын жыйынтыгы чыккандан кийин жиберилерин маалымдаган. Учурда бул иш боюнча тергөөгө чейинки иш-чаралар жүрүп жатат.




жаннатта болсун,туугандарына сабыр тилейм.