Азербайжандык 2 жаран Орусиядагы кош бойлуу кыргызстандык аялды сабаган

Орусиянын Екатеринбург шаарында кыргызстандык кош бойлуу аялды сабаган Азербайжандын эки жараны кармалды. Бул тууралуу орусиялык маалымат булактары билдирди. 14-август күнү аялды үйүнүн жанынан белгисиз адамдар уурдап кетишкен. Ээн жерге алып барышып, кылмышка шектүүлөр жабырлануучунун зер буюмдарын чечип алышкан жана сабашкан. Соккудан аял көп кан жогото баштаганда кылмышка шектүүлөр аны шаардык ооруканага жеткирүүгө аргасыз болушкан. Ооруканада кош бойлуу айымга аборт жасалып, үйүнө чыгарылган, ымыркайынан айрылды. Бул иш боюнча Екатеринбург ШИИБинин кызматкерлери тарабынан 42 жаштагы аял жана 19 жаштагы жигитт кармалды. Учурда окуя боюнча кылмыш иши козголуп, тергөө жүрүп жатат.