Дональд Трамп Австралиянын премьер-министрине өрткө каршы күрөшүүдө жардам берүүнү сунуштады

АКШнын президенти Дональд Трамп Австралиянын премьер-министри Скотт Моррисон менен телефон аркылуу сүйлөшүү учурунда өрттүн кесепетинен курман болгондорго көңүл айтып, жардам берүүнү сунуштады. Бул тууралуу дүйнөлүк ЖМКлар расмий булактарга таянып жазып чыгышты.

Анда "АКШнын президенти Австралиядагы кырсыкка терең кайгыруу менен өрттүн кесепетинен каза болгондордун жакындарына көңүл айткан. Мындан сырткары, Дональд Трамп Австралия өкмөтүнө өрткө каршы күрөшүүдө жардам көрсөтүүнү сунуштаган", - деп жазылган.

Буга чейин белгилүү болгондой, Австралиянын Канберра шаарында өрттүн жана коюу тумандын айынан мамлекеттик мекемелер, музейлер, бала бакчалар жана көңүл ачуучу жайлар өз иштерин токтотууга мажбур болушкан. "The New York Times" басылмасынын маалыматына караганда, 6-январга карата өрттүн кесепетинен 23 адам каза болуп, бир канча миллион жаныбарлар кырылган. Мындан сырткары, 1 жарым миллион үйлөр кыйраган.