Жүрөк толкуйт. Айсулуу Тыныбекова жөнүндө тартылган тасманын трейлери жарык көрдү (видео)

Эгемендүү Кыргыз өлкөсүнүн тарыхында өз атын алтын тамгалар менен жазып койгон балбан Айсулуу Тыныбекова тууралуу тасманын трейлери жарык көрдү.

Кыргыздын алгачкы чемпион кызы тууралуу тасманы америкалык Рейчел Сайн тарткан.

"Мен аталган тасманы 2018-жылы тартып баштагам. Алдыга койгон максаттарга жетүү үчүн Айсулуунун күчү жетерин билгем. Мен дайыма анын эркине жана кыйынчылыктарга баш бербегенине таң берчүмүн. Айсулуу өз өлкөсүнүн гана эмес бүтүндөй күрөш дүйнөсүнүн тарыхын кайра жазып жатат. Аталган тасма элдерге кызык болот. Азыркы тапта аны чемпион катары көрүү оңой, бирок бул жеңиштин артында турган 10 жыл талыкпас эмгек тууралуу көпчүлүк ойлоно бербейт. Кызыктарга бай жана ар бир адамга дем-күч бере турчу окуя менен ар бир адам менен бөлүшкөнгө шашылып жатам", - деп билдирген Сайн.