Түркиянын Анкара шаарындагы көчөгө улуу жазуучу Чыңгыз Айтматовдун ысымы берилет

Түркиянын Анкара шаарындагы көчөгө улуу жазуучу Чыңгыз Айтматовдун ысымы берилет. Бул тууралуу Маданият, маалымат жана туризм министрлигинин басма сөз кызматы билдирди. Маалыматка ылайык, бул тууралуу келишимге 13-15-август күндөрү Анкара шаарында өткөн кыргыз-түрк өкмөттөр аралык комиссиянын соода-экономикалык кызматташтык боюнча жыйынында кол коюлган. Ошондой эле Чыңгыз Айтматовдун эстелигин Анкарада, ал эми Түркиянын 8-президенти Тургут Озалдын эстелигин Бишкекте тургузуу чечими кабыл алынды.