"ЭлТР" телеканалынын директору алмашты

"ЭлТР" телерадиоберүү компаниясынын директору Айбек Мусаев кызматынан бошотулду. Бул тууралуу өкмөттүн басма сөз кызматынан билдиришти.

Маалыматка ылайык, ал берген арызынын негизинде кызматтан бошотулду. Анын ордуна Керимбек Калыкулов дайындалды. Тиешелүү буйрукка премьер-министр Мухаммедкалый Абылгазиев кол койду.

Керимбек Калыкулов 1981-жылы туулган. Жогорку билимдүү. Ош мамлекеттик университетинин филология факультетин аяктаган. 2014-жылдын июль айынан бери Керимбек Калыкулов "Телеканал ОшТВ" ЖЧКсынын башкы директору болуп иштеп келген.