Елизавета II ханзаада Гарри менен Мегандын жоругу боюнча комментарий берди

Елизавета II ханзаада Гарри менен Меган Марклдын падышалык үй-бүлө макамынан баш тартуу ниети боюнча расмий билдирүү таратты. Бул тууралуу чет элдик басылмалар жазышууда.

Маалыматка ылайык, Елизавета II "Гарри менен Меган толук кандуу падышалык үй-бүлөнүн мүчөсү бойдон калса жакшы болмок, ошентсе да алардын чечимин мен жана үй-бүлөм сыйлайбыз жана толугу менен колдойбуз", - деген.

Ханышанын айтымында, үй-бүлөлүк жыйындын чечими боюнча, мындан ары Гарри менен Меган Канада жана Улуу Британияда жашай беришет. Бул боюнча толук чечим жакынкы күндөрү чыгат.