Бишкекте өзүн жогорку окуу жайдын мугалими катары тааныштырып, акча өндүрүп жүргөн айым кармалды

Бишкекте өзүн жогорку окуу жайдын мугалими катары тааныштырып, акча өндүрүп жүргөн айым кармалганын Бишкек ШИИББинин басма сөз кызматы билдирди. Маалыматка ылайык, Бишкек шаарынын 19 жаштагы тургуну Салтанат аттуу 25-30 жаштагы айым Ж.Баласагын атындагы Кыргыз улуттук университетинин мугалими катары өзүн тааныштырып, “контракт төгүүдө жеңилдик алып берем” деп арыз ээсин алдап 11 миң сом алган. Натыйжада окуу үчүн акчаны төкпөстөн изин жашырып кеткен. Милиция кызматкерлерине ушундай эле арыз менен дагы 5 киши кайрылган. Жалпы арыз ээлерине келтирилген чыгым 50 миң сомдон ашкан. Иликтөөлөрдүн натыйжасында аталган кылмыштарга шектелип, Бишкек шаарынын 26 жаштагы С.Б. аттуу тургуну кармалып, ага карата “алдамчылык” беренеси боюнча кылмыш иши козголгон. Учурда тергөө иши жүрүүдө.