Баткен ОИИБинде жыл жыйынтыгы чыгарылды

Баткен облусунун ички иштер башкармалыгында жыл жыйынтыгы чыгарылып, анда жумушун мыкты аткарган кызматкерлер менен эң жакшы иштеген райондор сыйланды. Бул тууралуу облустук милициядан билдиришти.

Маалыматка ылайык, 16-январь күнү Баткен облусунун аймагында милиция кызматкерлеринин жер-жерлердеги аткарган иштеринин жыйынтыгын чыгарды. Ага ички иштер министринин орун басары Алмазбек Орозалиев, Баткен облусунун ыйгарым укуктуу өкүлү Акрам Мадумаров жана Баткен ОИИБинин жетекчиси Акылбек Мамасейитов катышты.

2019-жыл ичинде коомдук тартипти сактоодо, кылмыштуулук менен күрөшүүдөгү кесиптик чеберчилигин көрсөткөн кызматкерлерге Баткен ОИИБинин атайын дипломдору, тасмасы жана вымпелдери тапшырылды. 2019-жылдын мыкты ички иштер бөлүмү болуп Кадамжай РИИБи аталса, 2-орунга Баткен РИИБи, 3-орунга Лейлек РИИБи ээ болду.