Дүйнө жүзүн өзгөчө сулуулугу менен багындырып жаткан эже-сиңди

Мода индустриясына кызыккан инсан болсоңуз Жиджи жана Белла Хадид аттуу сулуу эже-сиңдинин атын уккан чыгарсыз. Акыркы 3-4 жылдан бери аталган эже-сиңди өзүнүн таланты жана өзгөчө сулуулугу менен дүйнө жүзүн багындырып келишүүдө.

Жиджи жана Белла Хадид дүйнө жүзүндөгү атактуу жана сулуу моделдердин катарында. Алар дүйнөлүк подиумдарга чыгып, беделдүү журналдардын башкы бетине байма-бай чыгып турушат. Эже-сиңди палестиналык ишкер Мохамед Хадид жана нидерландылык модель Иоланданын үй-бүлөсүндө жарыкка келишкен. Жиджи 2 жашынан баштап эле мода дүйнөсүнө аралашып баштаган. Ал эми 16 жашында беделдүү моделдик компания менен келишим түзгөн. Бир канча убакыттан кийин Жиджинин сиңдиси Белла да мода индустриясына кадам таштаган. Алгач Белла эжесинин көлөкөсүндө жүргөнү менен кийинчерээк анын өзгөчөлөнгөн сулуулугу көпчүлүктүн кызыгуусун жарата баштаган.

Жакында эле Белланын жүзү дүйнөдөгү эң симметриялуу жана идеалдуу деп табылды. Учурда эже-сиңдилер 24 жана 23 жашта. Ошондой эле алар дүйнө жүзүндөгү эң көп акы төлөнгөн супермодель болуп саналышат. Мындан тышкары, аталган эже-сиңди атактуу модель Кайли Женнер менен достук байланышта экендиги айтылып келет.