Жашоо шарты кымбат шаарлардын тизмеси жарыяланды. Бишкек 410-орунда турат

Бишкек жашоо шарты кымбат делинген 440 шаардын ичинен 410-орунда турат. Рейтингде көрсөтүлгөндөй Бишкектеги жашоо шарт Казакстандын Нур-Султан жана Алматы шаарларына салыштырмалуу арзаныраак, Өзбекстандын Ташкент шаарына салыштырмалуу кымбатыраак. Мындай маалыматты "Numbeo" онлайн маалыматтар базасы жарыялашты.

Аталган базанын версиясы боюнча, Швейцариянын мегаполистери алдыңкы 5 орунду ээлеген. Алар Цюрих, Базель, Лозанна, Женева жана Берн. Тизменин кийинки саптарында Норвегиянын Ставангер, Осло жана Тронхейм шаарлары жайгашкан. Исландиянын Рейкьявик жана Норвегиянын Берген шаары ТОП-10ду жыйынтыктаган.

Жашоо шарттын рейтингин аныктоодо дүкөндөрдөгү товарлардын, кафедеги тамак-аштын, кызмат көрсөтүүнүн баасы, жол кире, коммуналдык кызматтарга жумшалган акча жана жергиликтүү тургундардын сатып алуулары эсептелген.